Santuario Basilica Nostra Signora del Rimedio

Secondo una recente ricerca, lo schema originario dei Gosos di Nostra Signora del Rimedio comprende otto strofe che segnano la scansione del pellegrinaggio al santuario, paradigma del cammino della vita.

Schema Originale

Tesorera celestiale,
divina dispensadora.
Alcanzadenos, Segnora,
Remediu pro dogni male.

Po patrona e titulare
de su Rèmediu Bos giàmant,
ue totusBos acclamant
protettora singulare:
cheride nos amparare.

Cherinde restaurare
custa santa devozione,
cun occulta relazione
azis cherfidu mustrare
cudd’affettu sigulare
e s’amore maternale.

Conoschinde sa clemènzia
dei Bois, Virgen sagrada,
bénit sa zente affannada
un votos e reverenzia,
dande pro dogni dolènzia
consolu meighinale.

Consolu sos affligidos,
refugiu sos peccadores,
remèdiu pro sos dolores
dimandant totus unidos:
zegos, zopos e tulidos,
fertos de gutta corale.

Sos chi de coro supplicant,
sende cosa cunbeniente,
alcànzant subitamente
sa gràzia chi necessìtant,
cun su titulu ispeciale.

Nave mistica divina
che de su chelu as portadu
su pane sacramentadu,
verdadera meighina,
e, de s’anima meschina,
remèdiu vivu e vitale.

Già ch’in su regnu divinu
Bos tenimus avvocada,
pro s’anima tribulada
supplichende de continu,
mustrade nos su camminu
de sa patria celestiale.

Cando deet benner cudd’ora
de s’agonia mortale,
alcanzàdenos, Segnora,
su Remèdiu generale,
Alcanzàdenos, Segnora,
Remediu pro d’ogni male.

Altre Strofe

Sos chi de coro supplicant
sende cosa cumbeniente,
alcanzant subitamente
sa grazia chi necessitant
pro sa cale osi accreditant
cun su titulu ispeciale.

Ses de su mundu allegria,
ses de su chelu bellesa,
de sos anghelos prinzesa,
de sos Santos melodia,
ses consolu e vera ghia
contra sa culpa mortale.

De su Babbu Fiza ermosa,
de su Fizu Mamma ondrada,
de s’Ispiritu formada
sezis dignissima isposa:
s’Unu e Trinu cale rosa
Bos tenet donu reale.

Turre davidica forte,
rosa mistica sagrada,
oliva fruttificada,
cipressu de s’altu monte,
de sos navigante norte,
sezis ghia universale.

Pianta mistica sagrada,
fiore de fruttu divinu,serradu santu giardinu,
binza ‘e ide seberada,
d’ogni gratia e stimada
immancabile canale.